दक्षिण मुंबईमध्ये उमेदवराचा कार्यकर्ता हा पैसे वाटपासाठी घेऊन गेला असता त्याला एका गुजराती परिवाराने चांगलीच अद्दल घडवली आहे. महापालिकेची मतदान प्रक्रिया पार पडत असून मध्यरात्री राज्यभरात तूफान पैशांचा पाऊस पाडला गेला. या पावसात अनेकजण भिजले मात्र काही कुटुंब हे त्याला अपवाद ठरले. असाच काहीसा प्रकार हा मुंबईतील एका भागात सुरू होता, पैसे देणारा हा त्या घरात शिरला आणि किती सदस्य आहे असे विचारून त्या हिशोबाने त्याने पैसे दिले. यावेळी ते पैसे थेट त्याच्या तोंडावर उधळून लावत त्याला चांगलीच चपराक लावली. हा व्हिडिओ सध्या सोशल मीडियावर व्हायरल होत आहे आणि यावर अनेकांनी त्यांच्या या कृत्यामुळे त्यांचे कौतुक केले आहे. हे पैसे कोणत्या पक्षाद्वारे आले होते हे मात्र अद्याप समजू शकले नाही.