सोशल मीडियाच्या उपलब्धतेनंतर सारं जग एका वेगळ्या पद्धतीनं एकमेकांची जोडलं गेलं असं म्हणणं अतिशयोक्ती ठरणार नाही. जगाच्या कोणत्याही कोपऱ्यावरील माणसाची माहिती याच सोशल मीडियाच्या माध्यमातून अगदी सहजपणे मिळू लागली. मात्र, आता येत्या काळात फेसबुक आणि इन्स्टाग्रामवर हे प्लॅटफॉर्म वापरण्यासाठी युजर्सकडून काही शुल्क आकारण्याचं धोरण राबवण्यात येऊ शकतं. मेटानं घेतलेल्या या निर्णयानंतर अनेक युजर्सच्या चिंतेत भर पडली असून, मिळालेल्या माहितीनुसार, मेटा जाहिरातमुक्त अनुभवाच्या हेतूने दर महिन्याला जवळपास १,१९० आकारण्याची योजना आखत आहेत. जाहिरातींसह सर्फिंगचा अनुभव घेणाऱ्यांसाठी ही रक्कम इथे लागू नसेल. अधिकृत माहितीनुसार, मेटा एक कॉम्बो ऑफरही लाँच करणार असून, यामध्ये फेसबुक आणि इंस्टाग्रामचं ॲड फ्री वर्जनसुद्धा उपलब्ध असेल. ही सुविधा फक्त डेस्कटॉप युजर्ससाठी लागू असेल असंही सांगण्यात येत आहे.