Bharat Jadhav
डॉक्टरांच्या मते, शरीरात होणाऱ्या विविध नैसर्गिक बदलांमुळे असे घडत असते. तरीही, प्रत्येक महिलेला 'प्रेग्नन्सी ग्लो' अनुभवता येत नाही. गरोदरपणात प्रत्येक महिलेच्या शरीर वेगळ-वेगळ्या पद्धतीने रिअॅक्ट करत असते.
'प्रेग्नन्सी ग्लो' म्हणजे अशी स्थिती इतर दिवसाच्या तुलनेत गरोदरपणात महिलेची त्वचा अधिक तेजस्वी, गुलाबी आणि टवटवीत दिसते. अनेक महिलांच्या गालांवर हलकीशी लाली येते.
हा बदल बऱ्याचदा गर्भधारणेच्या दुसऱ्या तिमाहीत प्रकर्षाने दिसून येतो. या टप्प्यापर्यंत, सुरुवातीच्या काळातील थकवा, मळमळ (मॉर्निंग सिकनेस) आणि अशक्तपणा यांसारख्या समस्या काही प्रमाणात कमी होऊ लागतात.
काही स्त्रियांमध्ये हा 'ग्लो' संपूर्ण गर्भधारणेदरम्यान टिकून राहू शकतो, तर काहींमध्ये तो कदाचित अजिबात दिसून येत नाही.
गर्भावस्थेत शरीरातील इस्ट्रोजेन आणि hCG सारख्या हार्मोन्सची पातळी लक्षणीयरीत्या वाढते. या बदलांचा त्वचेवर परिणाम होतो आणि त्यामुळे अनेकदा चेहरा अधिक तेजस्वी दिसू लागतो.
गर्भावस्थेत होणाऱ्या हार्मोन्स बदलांमुळे त्वचेतील तेल-ग्रंथी अधिक सक्रिय होतात. यामुळे चेहऱ्यावर नैसर्गिक तेज येऊ शकते. मात्र काही स्त्रियांमध्ये या अतिरिक्त तेलामुळे मुरुमेही येऊ शकतात.
गर्भावस्थेत आई आणि बाळ या दोघांच्याही गरजा पूर्ण करण्यासाठी शरीरातील रक्ताचे प्रमाण लक्षणीयरीत्या वाढते. रक्ताभिसरण वाढल्यामुळे त्वचेतील अतिसूक्ष्म रक्तवाहिन्या प्रसरण पावतात, यामुळे गालांवर गुलाबी रंग येतो.