सचिन जाधव, पुणे | साम टीव्ही

बालिकेवरील लैंगिक अत्याचार आणि हत्येच्या घटनेनं पुणे जिल्ह्यात महिला आणि मुलींच्या सुरक्षिततेचा मुद्दा ऐरणीवर आला आहे. त्यात आणखी एक चिंता वाढवणारी बाब उघड झाली आहे. पुणे शहरातून चार दिवसांत सहा मुली बेपत्ता झाल्या आहेत.

नऱ्हे, वाघोली, वानवडी, बिबवेवाडी आणि लोणीकंद या भागांतून या मुली गायब झाल्या आहेत. (pune minor girls missing case latest update) त्यांना फूस लावून पळवून नेल्याचा संशय व्यक्त होत आहे. संबंधित पोलीस ठाण्यांमध्ये अपहरणाचे गुन्हे दाखल करण्यात आले आहेत. या मुलींचा शोध घेण्यात येत असल्याचे सांगण्यात येत आहे. नऱ्हे भागातून दोन, तर वानवडी परिसरातून एका १७ वर्षीय मुलीचे अपहरण झाले आहे. हडपसरमधील १७ वर्षीय मुलगी, फुरसुंगी आणि वाघोली परिसरातूनही मुली बेपत्ता झाल्या आहेत. मुली अचानक गायब झाल्याने परिसरात भीतीचं वातावरण आहे.