राज्यात २९ महापालिकांच्या निवडणुकांसाठी १६ जानेवारीला मतदान होत आहे. प्रचाराच्या तोफा थंडावल्या आहेत. उमेदवारांना या कालावधीत घरोघरी जाऊन प्रचार करण्यास मुभा देण्यात आली आहे. असं असतानाच पुण्यात धक्कादायक प्रकार उघडकीस आला आहे.

पुण्यात महापालिका निवडणुकीआधी मतदारांना लक्ष्मीदर्शन झालंय. पुण्यातील मतदारांना चक्क चांदीच्या वाट्या वाटल्याचा आरोप ठाकरे सेनेचे नेते वसंत मोरे यांनी केला आहे. प्रतिस्पर्धी उमेदवाराच्या कारमध्ये प्रचाराच्या पत्रकांसह या वाट्या आढळल्याचा दावा करण्यात आला आहे. त्यामुळे मतदानापूर्वीच्या या चांदी डिप्लोमसीमुळे पुण्यातील राजकीय वातावरण चांगलंच तापलंय.