संभाजी भिडे यांनी पुण्यात महिलांसंदर्भात वादग्रस्त विधान केले होते. याविधानावर ठाकरे गटाच्या उपनेत्या शुभांगी पाटील यांनी संभाजी भिडे यांचा समाचार घेतला आहे, संभाजी भिडे यांनी संपूर्ण देशभरातील महिलांचा पुन्हा एकदा अपमान केला असल्याचं त्या म्हणाल्या, महिला आयोग व गृह मंत्र्यांनी याची दखल घ्यावी अन्यथा संपूर्ण राज्यभर याचे पडसाद उमटतील असे म्हणत शुभांगी पाटील यांनी गृहमंत्र्यांना थेट इशारा दिला आहे, एकीकडे महिलांची सहानुभूती मिळवण्यासाठी राज्य सरकार तर्फे महिलांसाठी योजनांच्या माध्यमातून बंपर ऑफर दिली जात आहे, तर दुसरीकडे राज्य सरकारमधील मंत्र्यांच्या गुरूंकडून महिलांचा अपमान केला जात असल्याचं म्हणत शुभांगी पाटील यांनी राज्यसरकारवर देखील निशाणा साधला आहे.