ऑपरेशन सिंदूरची माहिती देण्यासाठी आणि पाकिस्तानचा बुरखा फडण्यासाठी भारत सरकारने खासदारांच शिष्टमंडळ पाठवलं होतं. यामध्ये आफ्रिका देशात पाठवलेल्या शिष्टमंडळाच नेतृत्व खासदार श्रीकांत शिंदे यांनी केले होते. भारतात परतल्यानंतर त्यांनी आज साम टीव्हीला विशेष मुलाखत देत याबद्दल सविस्तर माहिती दिली. यावेळी त्यांनी भारतात वाढत असलेल्या मुस्लिमांची संख्या किती पटीने वाढली आहे ते सांगितले.

1947 मध्ये भारतात साडे 3 कोटी मुस्लिम होते आता ते 21 कोटी झाले आहे. आणि पाकिस्तानमध्ये जी हिंदूंची लोकसंख्या होती. ती 45 लाखाच्या आसपास होती. ती आता 40 लाख झाली आहे. आणि हेच आम्ही आंतराष्ट्रीय स्तरावर सांगितले की भारत हा सर्व धर्मांना सोबत घेऊन चालणार आहे. तर पाकिस्तानच्या दहशतवाद्यांनी पहलगाम येथे धर्म विचारून जो गोळीबार केला या सर्वचा निषेध इतर देशांनी देखील केला. असे श्रीकांत शिंदे यांनी साम टीव्हीशी बोलताना सांगितले.