नागपूर येथे सुरू असलेल्या हिवाळी अधिवेशनादरम्यान मविआच्या नेत्यांनी विधानसभा अध्यक्ष राहुल नार्वेकर यांची भेट घेतली. शिवसेनेचे पक्षप्रमुख उद्धव ठाकरे यांनी काही आमदारांसहित नार्वेकरांची भेट घेऊन चर्चा केली. या भेटीत नेमकी काय चर्चा झाली? ही बाब अजूनही गुलदस्त्यात आहे. मात्र, विरोधीपक्षनेतेपदाबाबत चर्चा झाली असल्याची माहिती समोर आली आहे. यावेळी त्यांनी काही गोष्टींवरही आक्षेप घेतला. विधानसभा अध्यक्षांच्या भेटीनंतर उद्धव ठाकरे यांनी विधान परिषदेचे सभापती राम शिंदे यांचीही भेट घेतली. दरम्यान, या दोन्ही भेटीत नेमकी काय चर्चा झाली? हे अजून अनुत्तरित आहे.