आज उद्धव ठाकरे गटाचे उमेदवार आणि शिवसेना नेते आदित्य ठाकरे आपल्या उमेदवारी अर्ज दाखल करण्यासाठी जाणार आहेत. यासाठी रथही सजवण्यात आलाय. या रथावर सर्व बाजूने ठाकरे गटाचे पोस्टर्स आणि निशाणी मशाल लावत जोरदार शक्तीप्रदर्शन करण्यात आलंय. वरळीत मनसेचे उमेदवार संदीप देशपांडे यांच्याशी आदित्य ठाकरे यांची लढत होणार आहे. तर महायुतीकडून अद्याप याठिकाणी उमेदवार देण्याचं बाकी असल्याने ही लढाई दुहेरी असेल की तिहेरी हे चित अजून स्पष्ट होणं बाकी आहे. दरम्यान, या शक्तिप्रदर्शनावेळी कार्यकर्त्यांमध्ये जोरदार उत्साह दिसून आला आहे.

विधानसभेचं बीगुल वाजलं असून सध्या उमेदवारी अर्ज दाखल करण्यासाठी उमेदवारांची तयारी सुरू झाली आहे. त्याअनुषंगाने आज शिवसेना नेते आदित्य ठाकरे हे देखील आज आपला उमेदवारी अर्ज भरणार आहेत. वरळी मतदारसंघातून ते निवडणूक लढवणार असून शिवसेनेत फुट पडल्यानंतर ही पहिलीच विधानसभा निवडणूक आहे. यावेळी आदित्य ठाकरे यांच्याकडून जोरदार शक्तीप्रदर्शन करण्यात आलं. या शक्तीप्रदर्शनात कार्यकर्त्यांमध्ये चांगलाच उत्साह बघायला मिळाला.

Edited By Rakhi Rajput