नाशिकमध्ये शिंदे गटाच्या शिवसेनेची बैठक सुरु असताना वातावरण अचानक तापलं. अहिल्यानगर जिल्ह्याचा आढावा पार पडल्यानंतर दोन गटांमध्ये वाद निर्माण झाला. शरद पवारांच्या राष्ट्रवादी काँग्रेस पक्षाच्या पदाधिकाऱ्याने बैठकीत शिरल्याचा आरोप होताच उपस्थित गट आमनेसामने आले. वाद चिघळताच एकमेकांची कॉलर पकडून शिवीगाळ केली. परिस्थिती हाताबाहेर जाण्याआधीच पोलिस व सुरक्षा रक्षकांनी हस्तक्षेप करत वाद सोडवला. या घटनेमुळे बैठकीत काही काळ गोंधळाचे वातावरण निर्माण झाले. मंत्री उदय सामंत, दादा भुसे, गुलाबराब पाटील यांच्यासह राहुल शेवाळे प्रमुख नेत्यांच्या उपस्थितीत ही बैठक सुरू होती.