मुंबईतील महापालिका निवडणुकीच्या पार्श्वभूमीवर शिवसेना ठाकरे गट आणि महाराष्ट्र नवनिर्माण सेनेमध्ये युतीच्या हालचालींना वेग आला आहे. ठाकरे गटाने मुंबईतील ३६ विधानसभा मतदारसंघांमध्ये मनसेला प्रत्येकी दोन, म्हणजेच एकूण ७२ जागा देण्याचा प्रस्ताव ठेवला आहे. यावर ठाकरे गटाच्या वरिष्ठ नेत्यांमध्ये प्राथमिक सहमती झाली असली तरी, मनसेने काही प्रमुख मतदारसंघांमध्ये तीन जागांची मागणी केल्याचे समजते. यावर संदीप देशपांडे प्रतिक्रिया देताना म्हटले की, मुळात अजून शिवसेना आणि मनसे या युतीची ज्या दिवशी राजसाहेब घोषणा करतील, त्या दिवशी मला स्वतः आपल्या सगळ्या प्रश्नांना उत्तर देता येईल. अजून अशा प्रकारची कुठलीही घोषणा किंवा निर्णय हा राजसाहेबांनी जाहीर केला नाहीये. त्यामुळे या गोष्टीमध्ये बोलण्यास मी असमर्थ आहे. त्यामुळे आता जागावाटपावर अंतिम निर्णय कधी होणार याकडे सर्वांचे लक्ष लागले आहे.