मुंबई: भांडूपमध्ये शिंदे गटाच्या कार्यकर्त्यांनी महायुतीच्या कार्यक्रमात गोंधळ घातला आहे. ईशान्य मुंबई लोकसभेसाठी महायुतीकडून मेळावा आयोजित करण्यात आला होता. यावेळी सभेच्या ठिकाणी पोस्टरवर शिवसेनाप्रमुख बाळासाहेब ठाकरे आणि आनंद दिघे यांचे फोटोच नव्हते. हे पासून शिवसैनिक संतापले आणि त्यांनी घोषणा द्यायला सुरूवात केली. ईशान्य मुंबईतून मिहीर कोटेचा यांना भाजपने उमेदवारी दिली आहे. तर ठाकरे गटाकडून संजय पाटील यांना उमेदवारी दिली आहे. या मेळाव्यात एकीकडे भाषण सुरू होते तर दुसरीकडे शिंदे गटाच्या शिवसैनिकांनी घोषणा देत मेळाव्याकडे पाठ फिरवली.