मुलुंडमध्ये शिवसेना उद्धव ठाकरे गटाचे कार्यकर्ते आक्रमक झाल्याचं पाहायला मिळालं. मुलुंडमध्ये मिहीर कोटेचा यांनी पैसे वाटप केल्याचा आरोप ठाकरे गटाच्या कार्यकर्त्यांकडून करण्यात आला होता. त्यानंतर कोटेचा यांच्या कार्यालयाची तोडफोड केल्याप्रकरणी पाच जणांना अटक करण्यात आली. ठाकरे गटाच्या पाच जणांना अटक करण्यात आली असून त्यांची चौकशी केली जाते आहे. त्यामुळे मुलुंडमधलं राजकीय वातावरण ढवळून निघालंय. शुक्रवारी संध्याकाळी मुलुंडमधील एक व्हिडीओ समोर आला होता. या ठाकरे गटाच्या कार्यकर्त्यांनी पैसे वाटप केल्याचा आरोप कोटेचा यांच्यावर केला होता. त्यामुळे एकच खळबळ उडाली होती. दरम्यान, आता ठाकरे गटाच्या कार्यकर्त्यांना अटक करण्यात आल्यानं वातावरण आणखी तापलंय.