सुप्रीम कोर्टात दीड वर्षांनंतर शिवसेना पक्षाचे चिन्ह आणि नाव या याचिकेवर सुनावणी पार पडणार आहे. सप्टेंबर 2023 नंतर हे प्रकरण पहिल्यांदाच सुप्रीम कोर्टात गेले आहे. या प्रकरणाची आता सुनावणी 7 मे रोजी पार पडणार आहे.

शिवसेना पक्ष आणि धनुष्यबाण चिन्ह प्रकरणात निवडणूक आयोगाने एकनाथ शिंदे यांच्या बाजूने निकाल दिला होता. त्याविरोधात उद्धव ठाकरे यांनी सुप्रीम कोर्टात धाव घेतली होती. उद्धव ठाकरे यांच्या पक्षाकडून फेब्रुवारी 2023 मध्ये ही याचिका सुप्रीम कोर्टात दाखल केली होती. मात्र या प्रकरणाची सप्टेंबर 2023 पासून सुनावणी पार पडली नाही. दीड वर्षांनंतर हे प्रकरणाची सुनावणी पार पडणार आहे. धनुष्यबाण आणि शिवसेना पक्षाचा निर्णय कोणाच्या बाजूने लागतो हे बघणे आता महत्वाचे राहणार आहे.