शिवसेना आणि राष्ट्रवादी काँग्रेस पक्षाच्या चिन्हाबाबतची प्रलंबित सुनावणी आता १८ फेब्रुवारीपासून सुरू होणार आहे. सर्वोच्च न्यायालयात या तारखेपासून अंतिम युक्तिवाद सुरू होणार असून, त्यानंतर या प्रकरणाचा निकाल अपेक्षित आहे. गेल्या अनेक वर्षांपासून रखडलेल्या या प्रकरणाचा निकाल फेब्रुवारी महिन्यात लागणार का, असा प्रश्न उपस्थित केला जात आहे.

१८ फेब्रुवारीपासून या प्रकरणाची दैनंदिन सुनावणी होणार असल्याची माहिती समोर आली आहे. या सुनावणीदरम्यान दोन्ही बाजूंचा युक्तिवाद सविस्तरपणे ऐकून घेतला जाईल आणि त्यानंतर सर्वोच्च न्यायालय आपला अंतिम निकाल सुनावणार आहे. या निकालाकडे संपूर्ण महाराष्ट्राचे लक्ष लागले असून, राजकीय वर्तुळात मोठी उत्सुकता निर्माण झाली आहे.