पुणे : शिवाजीराव आढळराव पाटील यांच्या प्रचार सभेत अचानक पाऊस आला. त्यामुळे एकच गोंधळ उडाला. मात्र या अवकाळी पावसातही अजित पवार यांच्यासह मंचावरील अन्य नेत्यांनीही उठून न जाता आपल्या नेत्यांची भाषणं भर पावसात ऐकणं पसंत केलं. रुपाली चाकरकर यांचं भाषण सुरु असताना अजित पवार आणि व्यासपीठावरील अन्य नेते भर पावसात प्रचारसभेत सहभागी झाल्याचं पाहायला मिळालं. सलग तिसऱ्या दिवशी पुण्यात अवकाळी पावसाने हजेरी लावली. मात्र प्रचाराचा अखेरचा दिवस असल्यानं नेत्यांनी पावसाचीही पर्वा न करता प्रचारसभांचा धडाका कायम ठेवला.