Shinde Sena MLA Suhas Babar controversial statement : शिवसेना शिंदे गटाचे सांगलीचे आमदार सुहास बाबर यांनी वादग्रस्त विधान केलंय. आमच्यासारखे 242 आमदार आहेत, म्हणून मुख्यमंत्री आहेत. मुख्यमंत्र्यांना विचारा सुहास बाबर कोण आहे? असं देखील चॅलेंज आमदार बाबर यांनी दिलंय. सांगली जिल्हा परिषद निवडणुकीच्या निमित्ताने खानापूर तालुक्यातील करंजे जिल्हा परिषद गटातील पळशी येथे आयोजित सभेतून आमदार सुहास बाबरांनी हे विधान केलं आहे. तालुक्यातील काँग्रेस,राष्ट्रवादी शरद पवार, अजित पवार पक्ष,ठाकरे गट आणि भाजपा आपण चालवतो, असं देखील आमदार बाबर यांनी सांगितले. विटयाचे माजी नगराध्यक्ष भाजपाचे नेते वैभव पाटलांच्यावर टीका करताना बाबर यांनी मुख्यमंत्री देवेंद्र फडणवीसांबाबत हे भाष्य केले आहे.

मंत्री चंद्रकांत पाटलांचा आमदार सुहास बाबरांना टोला

शिवसेना शिंदे पक्षाचे आमदार सुहास बाबर यांनी विट्यात जिल्हा परिषद निवडणुकीच्या प्रचारा वेळी राज्यातले भाजपसह सर्वच पक्ष मी चालवत असल्याचे भाष्य केले होते. त्यांच्या या विधानाने राजकीय वर्तुळात चांगलीच चर्चा रंगली होती. त्यांच्या या विधानाची भाजपनेते मंत्री चंद्रकांत पाटील यांनी समाचार घेतला. आमदार सुहास बाबर आणि त्यांचे वडील अनिल बाबर यांचे मुख्यमंत्री देवेंद्र फडणवीस यांच्याशी चांगले संबंध आहेत. त्यांनी असे का म्हटले? हे त्यांना मी फोन करून विचारतो. ते जर सर्व पक्ष चांगले चालवत असतील तर चांगलेच आहे ना? असा टोला त्यांनी आमदार सुहास बाबर याना यावेळी बोलताना लगावला.