शिंदे गटाच्या आमदार पत्नीने अधिकाऱ्यांना मारहाण केल्याचा व्हिडिओ समोर आलाय. आमदार महेंद्र दळवी यांची पत्नी मानसी दळवीने झेडपी शिक्षण विभागातील अधिकाऱ्यांवर हात उचलल्याचं या व्हिडिओत दिसतंय. अलिबागमधील आरसीएफ शाळेचा मुद्दा कळीचा ठरलाय. आरसीएफचा शाळा बंद करण्याचा घाट आहे. त्यामुळे विद्यार्थ्यांचे इतर शाळांमध्ये समायोजन करण्याच्या हालचाली सुरू होत्या. त्यामुळे संतप्त आमदार पत्नीने अधिकाऱ्यावर हात उचललाय. या घटनेचा व्हिडिओ आता सोशल मिडीयावर व्हायरल होत आहे.