मस्साजोगचे माजी सरपंच संतोष देशमुख यांच्या हत्येप्रकरणी शनिवारी २८ डिसेंबरला बीडमध्ये मोठा मोर्चा काढण्यात येणार आहे. हा मोर्चा सर्वपक्षीय असणार आहे. बीडच्या या मोर्चाला राष्ट्रवादी शरदचंद्र पवार गटाचे प्रमुख शरद पवार हे देखील हजेरी लावण्याची शक्यता आहे. शरद पवार यांच्यासह जितेंद्र आव्हाड हेसुद्धा या मोर्चात सहभागी होतील असं सांगण्यात येत आहे. शरद पवार यांनी या आधीच देशमुख कुटुंबियांची भेट घेतली होती. यावेळी त्यांनी संतोष देशमुख यांच्या मुलांच्या शिक्षणाचा खर्च आम्ही करू असंही जाहीर केलं होतं. आता त्यानंतर ते पुन्हा एकदा शनिवारी बीडमध्ये जाणार आहेत. संतोष देशमुख यांच्या हत्येच्या निषेधार्थ आयोजित सर्वपक्षीय मोर्चात ते स्वत: सहभागी होतील असं सांगण्यात येत आहे.