गोंदिया : अजित पवारांनी जेव्हा शरद पवारांशी फारकत घेऊन भाजपसोबत सत्तेत जाण्याचा निर्णय घेतला, त्यानंतही शरद पवार ५० टक्के भाजपसोबत जाण्यासाठी जवळपास तयार झाले होते, असं वक्तव्य प्रफुल्ल पटेल यांनी केलंय. त्यांच्या या वक्तव्यावरुन देवेंद्र फडणवीस यांनीही प्रतिक्रिया दिलीय. पुण्यात एका बड्या उद्योगपतीच्या घरी झालेल्या भेटीत अजित पवार आणि शरद पवार यांच्यात चर्चा झाली होती. त्यात शरद पवार यांची समजूत घालण्याचा प्रयत्न झाला. त्यातून असं दिसून आलं होतं की शरद पवार ५० टक्के भाजपसोबत जाण्यासाठी जवळपास तयार झाले होते, असं प्रफुल्ल पटेल यांनी म्हटलंय. ते गोंदियात एएनआय वृत्तसंस्थेथी बोलत होते. दरम्यान, ऐनवेळी शरद पवार यांनी भूमिका बदलली, असंही त्यांनी यावेळी म्हटलं. तसंच प्रफुल्ल पटेल यांच्या या वक्तव्याला उपमुख्यमंत्री देवेंद्र फडणवीस यांनी दुजोरा दिला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.