किल्ले रायगडावर अनेक वर्षांपासून राहत असलेल्या धनगर समाजाच्या वस्तीला केंद्रीय पुरातत्व विभागाने अतिक्रमण हटाव मोहिमे अंतर्गत गड खाली करण्याच्या नोटिसा देण्यात आल्या आहे. याचा सर्व स्तरावरून निषेध होत असताना राष्ट्रवादी कॉँग्रेस शरद पवार गटाच्या युवती राष्ट्रीय अध्यक्षा सक्षणा सलगर यांनी आज किल्ले रायगडावर जाऊन धनगर समाजाची भेट घेतली. यावेळी त्यांनी माध्यमांशी संवाद साधत मंत्री भरत गोगावले यांच्यावर टीकास्त्र सोडले आहे

त्या म्हणाल्या, रायगड किल्ल्यावरील धनगर समाजाच्या घरांना हात लावू देणार नाही अशी भूमिका मंत्री भरत गोगावले स्पष्ट केली. यावर बोलताना सक्षणा सलगर यांनी गोगावलेंचा गोगलगाय असा उल्लेख केला. धनगर समाजाच्या लोकांना आश्वासन दिले मग मंत्री मंडळातील कॅबिनेटच्या बैठकांमध्ये पुरातत्व विभागाने नोटीसा का दिल्या असं का विचारलं नाही असा सवाल सलगर यांनी गोगावले यांना केला आहे.