पंतप्रधान मोदी यांच्या नाशिकच्या सभेत एका तरुणाने गोंधळ घातला होता. हा तरुण राष्ट्रवादीच्या शरद पवार गटाचा कार्यकर्ता असल्याचे समोर आले आहे. किरण सानप असे या तरुणाचे नाव असून तो शरद पवार गटाच्या आयटीसेलचा पदाधिकारी आहे. या तरुणाने गोंधळ घातल्यानंतर पोलिसांनी त्याला बाहेर काढलं. नाशिकमध्ये पंतप्रधान मोदींची सभा पार पडली. यावेळी काही शेतकऱ्यांनी कांदा प्रश्नावर बोला अशी मागणी केली. तेव्हा सरकारने किती कांदा विकत घेतला अशी माहिती दिली. तसेच शेतकऱ्यांसाठी काही घोषणाही मोदींनी केल्या.