अजित पवार गटाचे आमदार शरद पवार गटाच्या संपर्कात आहेत असे वृत्त होते. पण शरद पवार गटाचे तीन आमदार अजित पवार गटाच्या संपर्कात आहेत असा दावा अमोल मिटकरी यांनी केला आहे. आगामी विधानसभा निवडणूक डोळ्यासमोर ठेवून अर्थसंकल्प सादर होण्यापूर्वी मतदारसंघातली कामे करण्यासाठी शरद पवार गटाचे तीन आमदार आमच्या संपर्कात आहेत, त्यापैकी दोन आमदार अजित पवार गटात प्रवेश करू शकतात असे विधान मिटकरी यांनी केले आहे. तसेच हवेत गोळीबार करणाऱ्या तुतारी गटाच्या नेत्याला लवकरच गुड न्युज मिळेल असेही मिटकरी म्हणाले.