विधानसभेत 'शिवसेना' आणि 'शिंदे सेना' या नावावरून जोरदार खडाजंगी पाहायला मिळाली. मंत्री शभुराज देसाई यांनी शिंदेसेना या शब्दावर आक्षेप घेत तो शब्द कामकाजातून वगळण्याची मागणी केली. निवडणूक आयोगाने आम्हाला शिवसेना नाव आणि धनुष्यबाण चिन्ह दिले असल्याचे सांगत, आमचा उल्लेख 'शिवसेना' असाच करावा असे शंभुराज देसाई म्हणाले.

लक्षवेधी मांडत असताना वरुण सरदेसाई यांनी शिंदे गटाचा पदाधिकारी असा उल्लेख केल्याने मंत्री शंभुराज देसाई यांनी त्यावर आक्षेप घेतला. निवडणूक आयोगाने घटनेने कायदे तपासून शिवसेना धनुष्यबाण हे आम्हाला दिले आहे. आमच्या पक्षाचे नाव शिवसेना आहे. खाली उबाठा वगैरे असे जोडलेले नाही. त्यामुळे आमचा उल्लेख शिवसेना म्हणून करावा असे शंभुराज देसाई म्हणाले. यावेळी वरुण सरदेसाई आणि शंभुराज देसाई यांच्यामध्ये शिवसेना कोणाची यावरून शाब्दिक वार पाहायला मिळाले.