फैय्याज शेख

शहापूर : मध्य रेल्वेवरील आटगाव येथील रेल्वेचा जुना ब्रिज पाडताना अचानक ब्रिज पडल्याने अपघात झाल्याची घटना घडली. या अपघातात एक कामगार जखमी झाला. तर दुसरा कामगाराचा ढिगाऱ्याखाली दबून मृत्यू झाल्याची माहिती हाती आली आहे. शहापूर तालुक्यातील मध्य रेल्वेच्या आटगाव स्थानकाजवळील जुना रेल्वेचा ब्रिज पाडताना ही दुर्घटना घडल्यानंतर एकच खळबळ उडाली. कामगाराच्या अंगावर ब्रिजचा काही भाग पडल्याने त्याचा जागीच मृत्यू झाला आहे. लोखंडी ब्रिज असल्याने मृत कामगाराचा मृतदेह बाहेर काढण्यासाठी अनेक अडचणी येत आहेत.