अनेकदा तरुण सेल्फीसाठी जीवघेणे स्टंट करतात, असाच एक प्रकार तापी नदीच्या पुलावर घडला आहे. सेल्फी काढण्याच्या प्रयत्नात एक तरुण तापी नदीच्या पात्रात पडला. त्याला पोहता येत नसल्याने तो पाण्यात बुडू लागला. 'योग्य वेळी नागरिकांनी दोरखंडच्या सहाय्यानं तरुणाचा जीव वाचवलेला आहे.' आजूबाजूच्या नागरिकांनी प्रसंगावधान दाखवत दोरखंडाच्या मदतीने या तरुणाला वाचवण्यासाठी प्रयत्न सुरू केले. तब्बल अर्धा तास चाललेल्या या थरारानंतर तरुणाचे प्राण वाचवण्यात यश आले. या घटनेमुळे सेल्फीसाठी तरुणाईकडून केल्या जाणाऱ्या जीवघेण्या स्टंटबाजीचा मुद्दा पुन्हा एकदा समोर आला आहे.