नाशिकच्या त्र्यंबकेश्वरमध्ये सुरक्षा रक्षकांनी भाविकांना शिवीगाळ करून मारहाण केली आहे. इतकंच नाही तर एका वृध्द महिला भाविकेला धक्काबुक्की केली आहे. आज सोमवार असल्याने त्र्यंबकेश्वर मंदिरात भाविकांनी दर्शनासाठी गर्दी केली होती. तेव्हा चार पाच सुरक्षा रक्षकांनी सुर्यवंशी कुटुंबातील काही सदस्यांना शिवीगाळ केली. तसेच त्यांना धक्काबुक्कीही केली. त्यात महेंद्र सुर्यवंशी यांच्या वृद्ध आईलाही या सुरक्षारक्षकांनी धक्काबुक्की केली. त्यात आई खाली पडल्या आणि त्यांना दुखापत झाली. एकूण चार ते पाच सुरक्षारक्षकांनी घेराव घालून मारले असा आरोप सुर्यवंशी यांनी केला आहे. मंदिरातील सुरक्षारक्षकांची ही अरेरावी थांबवावी अशी मागणी सुर्यवंशी यांनी केली आहे.