राज्याचे शालेय शिक्षण मंत्री दीपक केसरकर यांच्या सावंतवाडी मतदारसंघातील जिल्हा परिषदेच्या शाळेची इमारत एका बाजूने कोसळली आहे. याच शाळेच्या मतदान केंद्रावर दिपक केसरकर हे मतदान करायला येत असतात. ते राहात असलेल्या घरापासून ही शाळा अगदी हाकेच्या अंतरावर आहे. मात्र अस असताना देखील या शाळेच्या इमारत दुरूस्तीकडे जिल्हाप्रशासनाच दुर्लक्ष झाल्याचं पाहायला मिळत आहे. जिल्ह्यात अशा अनेक शाळा आहेत ज्यांच्या छप्पर दुरूस्तीचा प्रश्न असेल किंवा इमारत दुरूस्तीचा प्रश्न असेल तो निर्माण झाला आहे. मात्र प्रशासनाचं दुर्लक्ष झाल्याचं या घटनेवरून दिसून येत आहे. सध्या या इमारतीची भिंत एका बाजूने कोसळली आहे. शाळा बंद असल्यामुळे मोठा अनर्थ टळला आहे. दूसरीकडे याच शाळेत बसून मुलांना शिक्षण घेण्याची वेळ आली आहे.