सातारा जिल्हा परिषद राडा प्रकरणात सर्वात मोठी अपडेट समोर आलीय. पोलीस अधीक्षक तुषार दोशींना सक्तीच्या रजेवर नव्हे तर अर्जित रजेवर गेल्याचं समोर आलंय. त्यांच्या रजेचा अर्ज साम टीव्हीच्या हाती लागलाय. सातारा जिल्हा परिषद राडा प्रकरणी त्यांच्यावर कारवाईसाठी शिंदेसेना आक्रमक होती. त्यामुळे त्यांना रजेवर पाठवल्याची चर्चा होती. मात्र ते अर्जित रजेवर गेल्यामुळे शिंदेसेनेला भाजपनं शह दिल्याचं मानलं जातंय. झेडपी अध्यक्षपदाच्या निव़डणुकीत राडा झाल्याप्रकरणी शिंदेसेनेनं दोशींच्या निलंबनाची मागणी केली होती. मात्र सभापतींनी दोशींवरील निलंबनाच्या कारवाईचा निर्णय प्रलंबित ठेवलाय. त्यामुळे त्यांच्यावरील कारवाईची शक्यता आता धुसर झालीय.