सातारा येथील फलटण उपजिल्हा रुग्णालयात कार्यरत असलेल्या एका महिला डॉक्टरांनी गुरुवारी रात्री आत्महत्या केल्याची धक्कादायक घटना घडली असून राज्याला हादरा बसला आहे. महिलेने आत्महत्या करण्याआधी एक पत्र लिहिले होते. यामध्ये खासदार आणि त्यांच्या स्वीय सहाय्यकांचा देखील उल्लेख केला आहे. ते खासदार दुसरे कोणी नसून एका पक्षाचे आहे असा गंभीर आरोप ठाकरे गटाचे नेते अंबादास दानवे यांनी केला आहे.

ठाकरे गटाचे नेते अंबादास दानवे यांनी राजकीय नेत्यावर गंभीर आरोप केले आहेत. दानवे म्हणाले, त्यांनी महिला डॉक्टरवर यांना फोन करून वैद्यकीय प्रमाणपत्र देण्यासंदर्भात दबाव टाकला होता. 19 जून 2025 रोजी त्या महिला डॉक्टरांनी पोलिसांना अधिकाऱ्यांच्या गैरवर्तनाबाबत पत्र पत्र लिहिले होते. त्यानंतर 13 ऑगस्ट 2025 रोजी माहितीच्या अधिकारात कारवाई विचारली. या प्रकरणी पोलिस आणि राजकीय नेत्यांकडून झालेल्या दबावामुळे डॉक्टरांनी जीव गमावला. असा आरोप दानवे यांनी केला. तसेच त्यांना सहआरोपी करा अशी मागणी देखील त्यांनी अंबादास दानवे यांनी केली आहे.