कल्याण–डोंबिवलीत संपर्कात नसलेल्या ठाकरेसेनेच्या दोन नगरसेवकांना संजय राऊतांनी कडक शब्दांत इशारा दिलाय. “आमचे 2 नगरसेवक दिसत नाहीत, हे खरे आहे. मात्र गटाची स्थापना करताना ते समोर आले नाहीत, तर त्यांच्यावर कायदेशीर कारवाई करू,” असा इशारा त्यांनी दिला आहे.

कल्याण डोंबिवलीतील दोन नगरसेवक सध्या नॉट रिचेबल आहेत, मिळालेल्या माहितीनुसार, ते एकनाथ शिंदेंच्या शिवसेनेला पाठिंबा देणार असल्याचे समोर आले होते. त्यावर बोलताना संजय राऊतांनी नगरसेवकांना कारवाईचा इशारा दिला आहे. कल्याण महापालिकेत सत्ता स्थापनेसाठी शिंदेंकडून ठाकरेंच्या नगरसेवकांना फोडण्याचा प्रयत्न करण्यात येत असल्याचे समोर आलेय. त्यावर राऊतांकडून प्रतिक्रिया देण्यात आली.