मुख्यमंत्री देवेंद्र फडणवीस यांच्या प्रमुख उपस्थितीत नाशिकच्या जिल्हाधिकारी कार्यालय येथे प्रमुख साधू महंतांच्या उपस्थितीत बैठक पार पडली. या बैठकीत कुंभमेळ्याच्या तारखा जाहीर करण्यात आल्या तसेच फडणवीस यांनी नाशिकच्या विकासासाठी 4 हजार कोटीच्या निविदा काढल्या आहे असे ही सांगितले. यावरच ठाकरे गटाचे खासदार संजय राऊत यांनी निशाणा साधला आहे. त्यांनी मालेगाव येथे माध्यमांशी संवाद साधला. फक्त कुंभमेळ्यात लोकांना अडकवून ठेवता, मालेगावचे रस्तेही येऊन पाहा. कुंभमेळ्याच्या बैठकीवरून संजय राऊत यांनी सरकारवर बोचरी टीका केली. नाशिकचे पालकमंत्री आणि कुंभमेळा मंत्री गिरीश महाजन आहेतच ना, मग काम का होत नाही? असा ही सवाल त्यांनी विचारला. नाशिकचे पालकमंत्री हे गिरीश महाजनच आहे असे ही ते म्हणाले.