शिवसेना ठाकरे गटाचे खासदार संजय राऊत आज पालघर दौऱ्यावर आहे. आगामी महापालिकेच्या पार्श्वभूमीवर सर्वचपक्ष आपली कंबर कसत आहे. याच पार्श्वभूमीवर संजय राऊत यांची पालघर येथे सभा पार पडली. यावेळी राऊत यांनी भाजप आणि शिंदे गटावर जोरदार टीकास्त्र सोडले. संजय राऊत म्हणाले, पालघरमधल्या शिवसैनिकांचे मला कौतुक आहे. सगळे जागेवर आहेत. मग आपल्यातले तिकडे गेले कोण? पालघरमधील ठेकेदारांची सेना तिकडे गेली. अनेक वादळं आली तरी शिवसेना तशीच आहे.

शिवसेना संपवणारे संपले. पूर्वी आम्ही पण चोऱ्या केल्या. पण आता आम्ही सुधरलो. बाळासाहेबांची शिवसेना कधी पैशासोबत वाहत गेली नाही. शिंदेंना जाऊन सांगा. मी तर नेहमी सांगतो. कोकणातून शिवसेना कधीच नष्ट होणार नाही. आज जे चित्र दिसत आहे. ते वाऱ्यावरचं चित्र आहे. एकनाथ शिंदे तुझ्या शिवसेनेचा बाप अमित शहा आणि नरेंद्र मोदी आहे आणि तुला दोन बाप आहे अशी जहरी टीका संजय राऊत यांनी एकनाथ शिंदे यांच्यावर केली.