लाडकी बहीण योजनेवरुन संजय राऊत शिंदे सरकारवर चांगलेच संतापले आहेत. म्हणाले, सत्ताधारी असं म्हणत आहेत 1500 देतोय मतं द्या नाहीतर आम्ही पैसे परत घेऊ, हा सरकारचा पैसा आहे. जनतेच्या करातला पैसा आहे. सत्ताधाऱ्यांचा नाही. असं ठाकरे गटाचे खासदार संजय राऊत पत्रकार परिषदेत म्हणाले. त्याचबरोबर जेव्हा आमचं सरकार येईल तेव्हा या 1500 रुपयामध्ये नक्की वाढ होईल. लाडकी बहीण योजना ही चांगल्या हेतूने आणली नाहीये, फक्त महिलांची मत मिळविण्यासाठी सुरु केलीये, असं म्हणत राऊतांनी शिंदे सरकारला टोला लगावला आहे.