ठाकरे गटाचे खासदार संजय राऊत यांनी आज जेष्ठ नेते शरद पवार यांची भेट घेतली आहे. याबाबतची माहिती शरद पवार यांनी एक्सवर एक पोस्ट केली आहे. या पोस्टमध्ये संजय राऊत यांची माहिती दिली आहे. राज्यसभेचे खासदार संजय राऊत यांनी माझ्या निवासस्थानी सदिच्छा भेट दिली. या भेटीच्या वेळी त्यांनी आपल्या लेखणीतून साकारलेल्या नरकातील स्वर्ग या पुस्तकाच्या प्रकाशन समारंभाचे औपचारिक निमंत्रण दिले. या भेटीदरम्यान रोहन तावरे यांनी लिहिलेल्या वन्यजीवनावर आधारित पुस्तकावर सविस्तर चर्चा झाली. त्याचप्रमाणे राज्य व देशातील विविध मुद्यांवरही चर्चा झाली असे शरद पवार यांनी आपल्या पोस्टमध्ये म्हटले आहे.