Neelam Gorhe, Sanjay Raut, Mercedes controversy : नीलम गोऱ्हेंनी ठाकरेंवर केलेल्या आरोपांवरून राज्यात घमासान सुरू झालंय. संजय राऊतांनी गोऱ्हेंवर तिखट शब्दांत वार केले आहेत. तर ठाकरे गटाच्या आमदार आणि नेत्यांनी गोऱ्हेंवर खळबळजनक आरोप केले आहेत....त्यामुळे महाराष्ट्रात राजकीय बाजार सुरू झालाय....त्यावरचा हा विशेष रिपोर्ट..........

ठाकरेंकडे 2 मर्सिडीजच्या बदल्यात 1 पद मिळतं, या नीलम गोऱ्हेंच्या वक्तव्याचे तीव्र राजकीय पडसाद उमटलेत...तर भ्रष्ट, नमकहराम, निर्लज्य अशा शब्दांची लाखोली वाहत राऊतांनी गोऱ्हेंवर हल्लाबोल केलाय..तर राऊतांची बुद्धी भ्रष्ट झाल्याची टीका शिंदे गटाने केलीय.....

गोऱ्हेंच्या वक्तव्यावर संपूर्ण ठाकरे गट आक्रमक झालाय...एवढंच नाही तर नाशिकचे माजी महापौर विनायक पांडेंनी थेट नीलम गोऱ्हेंनी उमेदवारीसाठी पैसे घेतल्याचा आरोप केलाय....

साहित्य संमेलनाच्या आखाड्यातून नीलम गोऱ्हेंनी महापालिका निवडणुकीपूर्वी मोके पे चौका मारला खरा पण त्यामुळे शिंदे गट आणि ठाकरे गटातील संघर्ष आता आणखी तीव्र होण्याची शक्यता आहे... मात्र मर्सिडीजचं प्रकरण खरं आहे की ही राजकीय चिखलफेक आहे? याचा तपास सरकारी यंत्रणा करणार का? आणि या आरोपातून दुध का दूध आणि पानी का पानी करणार का? याकडे राज्याचं लक्ष लागलंय...