हिंदी सक्तीविरोधातील आंदोलनावरून राज्यातील राजकारण चांगलंच तापलं आहे. या मुद्द्यावर आता राज ठाकरे आणि उद्धव ठाकरे पहिल्यांदाच एका व्यासपीठावर एकत्र येण्याची शक्यता आहे. दोन्ही ठाकरे बंधूंनी हिंदी सक्तीविरोधात एकच मोर्चा काढण्याचा निर्णय घेतल्याचं संकेत मिळत आहेत. त्यामुळे या मोर्चाकडे संपूर्ण महाराष्ट्राचं लक्ष लागलं आहे. याच पार्श्वभूमीवर ठाकरे गटाचे खासदार संजय राऊत यांनी स्पष्टच सांगितले. उद्धव ठाकरे यांनी सांगितले आहे की महाराष्ट्राच्या मनात आहे ते मी करेन. कालच्या बैठकीत देखील समन्वयाची भूमिका घेतली असून 5 तारखेला आंदोलन एकत्र होईल असे सांगत ठाकरे बंधु मनाने एकत्रच आहे असे सूचक विधान संजय राऊत यांनी केले. यामुळे या मोर्चाकडे संपूर्ण राज्याचे लक्ष लागले आहेत.