भाजप माध्यम प्रमुख नवनाथ बन आणि ठाकरे गटाचे संजय राऊत यांच्यात गेल्या काही दिवसांपासून आरोप प्रत्यारोप सुरू आहे. नेहमीप्रमाणे संजय राऊत सकाळी सकाळी माध्यमांसमोर भाजपवर जोरदार टीकास्त्र सोडतात आणि त्यानंतर नवनाथ बन हे त्यांना प्रत्युत्तर देता. आज बन म्हणाले, धाराशिव दौऱ्यादरम्यान संजय राऊत हे एका आलीशान कारमध्ये बसून काजू बदाम खात होते. शेतकऱ्यांची परिस्थिति गंभीर असताना त्यांना बांधावर भेटून त्यांच्याशी संवाद साधायला हवा होता. पण राऊत मर्सिडीज कारमध्ये बसून काजू बदाम खात होते. मुंबईत बसून शेतकऱ्यांसाठी मोठमोठ्या गप्पा मारणाऱ्या राऊत यांनी शेतकाऱ्यांशी बोलायला लाज वाटते का, असा सवाल बन यांनी विचारला. एका बाजूला शेतकरी उपाशी आणि दुसरीकडे संजय राऊत तुपाशी अशी घणघाती टीका नवनाथ बन यांनी केली.