ठाकरे गटाचे खासदार संजय राऊत गेल्या काही दिवसांपासून प्रकृतीच्या कारणास्थाव राजकीय जीवनापासून दूर आहे. याबाबत त्यांनी स्वतः एक पत्र लिहून माहिती दिली होते. त्यानंतर काही दिवसांनी अचानक त्यांना अस्वस्थ वाटू लागल्याने फोर्टीस रुग्णालयात दाखल करण्यात आले होते. डॉक्टरांनी त्यांना विश्रांतीचा आणि कोणालाही न भेटण्याचा सल्ला दिला असला तरी, शिवसेनेच्या (उबाठा) प्रमुख नेत्यांकडून भेटीची शक्यता वर्तवण्यात येत आहे. कारण वाढदिवसानिमित्त त्यांच्या 'मैत्री' निवासस्थानाबाहेर कार्यकर्त्यांनी बॅनरबाजी केली आहे.

मात्र शिवसेना ठाकरे गटाचे प्रमुख नेते त्यांची भेट घेण्याची शक्यता वर्तवली जात आहे. त्यांच्या घराबाहेर लावलेल्या एका बॅनरवर 'रोखठोक निर्भिड योद्धा संजय राऊत' असा उल्लेख करण्यात आला आहे. राऊत घरी परतले असले तरी, डॉक्टरांच्या सल्ल्यानुसार ते प्रवास टाळत आहेत. त्यामुळे वाढदिवसाच्या दिवशी ते कोणाला भेटणार की नाही, याकडे सर्वांचे लक्ष लागले आहे.