ठाकरे गटाचे खासदार संजय राऊत यांनी अन्न व औषध प्रशासन मंत्री नरहरी झिरवाळ यांच्या कार्यालयातील क्लर्कने घेतलेल्या लाच प्रकरणी मुख्यमंत्री देवेंद्र फडणवीस आणि संपूर्ण मंत्रिमंडळावर गंभीर आरोप केला आहे. काल देवेंद्र फडणवीस यांनी नरहरी झिरवाळ यांनी क्लीन चिट देत आपल्या हाताशी ठेवले आहे, असा दावा राऊत यांनी केला आहे. शंभर टक्के मंत्री हे भ्रष्टाचारामध्ये आकंठा बुडाले आहे. झिरवाळ बिचारे आदिवासी आहे. त्यांना नीट प्लॅनिंग जमले नाही असा टोलाही त्यांनी लगावला. तसेच ही कारवाई मुख्यमंत्री देवेंद्र फडणवीस यांच्या आदेशानेच झाली आहे असा गंभीर आरोप करत राजकीय वर्तुळात खळबळ उडवून टाकली आहे.