मुंबई : काँग्रेसमधून हकालपट्टी झाल्यानंतर संजय निरुपम यांनी पत्रकार परिषद घेत संजय राऊत यांच्यावर सनसनाटी आरोप केले आहेत. खिचडी घोटाळा कसा झाला, कुणी केला? या सगळ्याचा घटनाक्रमच संजय निरुपम यांनी वाचून दाखवला. खिडची घोटाळ्यातील मुख्य आरोपी संजय राऊत असल्याचा आरोप निरुपमांनी केलाय. सह्याद्री रिफ्रेशमेन्टने खिचडी पुरवण्याचं काम मिळवण्यासाठी मोठा फ्रॉड केल्याचा आरोप निरुपमांनी केलाय. संजय राऊत यांची चौकशी करुन त्यांना अटक कराशीव, अशी मागणीही निरुपम यांनी यावेळी केली. या संपूर्ण घोटाळ्याप्रकरणी कडक कारवाई झाली पाहिजे, अशी मागणी संजय निरुपम यांनी केलीय. निरुपमांनी केलेल्या आरोपांवर आता संजय राऊत काय प्रत्यत्तर देणार, हे पाहणं महत्त्वाचंय.