दिशा सालियान प्रकरणाने सध्या डोकं वर काढलं आहे. याप्रकरणी आमदार आदित्य ठाकरेंची चौकशी झाली पाहिजे, अशी मागणी दिशा सालियानचे वडील सतीश सालियान यांनी केली आहे. या प्रकरणी सत्ताधाऱ्यांनी आदित्य ठाकरेंवर टीकास्त्र सोडलं. मात्र, शिंदे गटाचे आमदार संजय गायकवाड यांनी आदित्य ठाकरेंना पाठिंबा दिला आहे.

दिशा सालियान प्रकरणात संजय गायकवाड यांनी प्रतिक्रिया दिली आहे. 'तपास यंत्रणांनी कोणालाही क्लीन चीट दिली असेल, तर त्याच्यावर वारंवार चिखलफेक करणे आणि दिशाभूल करणे चुकीचे आहे', असे संजय गायकवाड म्हणालेत.

"जर न्यायालयात काही पुरावे असतील, तर ते समोर येतील. पण जर काहीच तथ्य नसेल, तर फक्त बदनामीसाठी हा खेळ खेळला जातोय. हायकोर्टातूनही या प्रकरणात काही बाहेर येणार नाही." असंही संजय गायकवाड म्हणाले आहेत.