सांगली : काँग्रेस आमदार विशाल पाटील यांनी अखेर उघडपणे संजय राऊत यांच्याबाबत नाराजी व्यक्त केली. राऊतांनी सांगली येऊन सांगलीकरांच्या विरोधात बोलल्याचा आरोप त्यांनी केला. त्यामुळे थोडीशी खंत जाणवते, असंही विशाल पाटील यांनी म्हटलं. सांगलीत घेण्यात आलेल्या पत्रकार परिषदेत ते बोलत होते. गेल्या काही दिवसांपासून सांगलीविषयी खूप मोठी चर्चा होताना दिसतेय. संजय राऊत यांच्याबद्दल आमच्या मनात आदर आहे, असं पाटील म्हणाले. आम्ही भाजपविरोधी विचारांचे आहोत, असं सांगताना विशाल पाटील यांनी महत्त्वाचं वक्तव्य केलं. राऊत जेव्हा भाजपविरोधी बोलतात तेव्हा आमच्याही मनात उर्जा येते, असंही विशाल पाटील यांनी म्हटलंय. शिवसेनाच हीच मराठी माणसाचा आवाज होऊ शकेल, यासाठी बाळासाहेब ठाकरे यांनी शिवसेना उभी केली होती, हेही सांगयला विशाल पाटील विसरले नाहीत. संजय राऊत हे शिवसेनेचा आणि मराठी माणसाचा आवाज आहे, हा आवाज सांगलीकरांनी त्यांना दिली. तोच आवाज सांगलीकरांच्या विरोधात येऊन सांगली वापरला गेल्यानं थोडीशी खंत जाणवते, असंही विशाल पाटील यांनी म्हटलंय.