मुंबई : आमच्यावर जर कुणी हात उचलला, तर हात तोडू असं अंबादास दानवे यांनी म्हटलं होतं. त्यावर बोलताना संदीप देशपांडे यांनी मोठं वक्तव्य केलंय. दादागिरी काँग्रेसवर करा, मनसेवर नको, असं सांगतानाच देशपांडेंनी दावनेंवर पलटकवार केला. आमचा हात मोडाल, तर तुम्हाला कुणाच्या तरी खांद्यावरुन जावं लागेल, असं देशपांडे यांनी दावनेंना उद्देशून म्हटलंय. ते साम टीव्हीसोबत बोलत होते. संभाजीनगरमध्ये मनसे आणि शिवसेना ठाकरे गटाचे कार्यकर्ते आमनेसामने आलेले होते. यावेळी झालेल्या राड्यावरुन राजकीय कलगीतुरा रंगल्याचं पाहायला मिळतंय.