नुकत्याच झालेल्या लोकसभा निवडणुकीत कोकणात महाविकास आघाडीला मोठा दणका बसला होता. आगामी विधानसभा निवडणुकीतही महाविकास आघाडीला मोठा फटका बसेल, असा अंदाज आहे. सकाळ-सामच्या सर्वेक्षणातून ही आकडेवारी समोर आली आहे. भाजप-शिवसेना-राष्ट्रवादी काँग्रेस यांच्या महायुतीला कोकणात तब्बल ८ जागांवर विजय मिळेल, असा अंदाज आहे. तर काँग्रेस-राष्ट्रवादी काँग्रेस शरदचंद्र पवार पक्ष आणि शिवसेना उद्धव बाळासाहेब ठाकरे पक्ष यांच्या महाविकास आघाडीला अवघ्या ४ जागा मिळण्याची शक्यता आहे. धक्कादायक बाब म्हणजे ठाकरेंची शिवसेना या सर्व ४ जागा जिंकण्याचा अंदाज असून, काँग्रेस आणि शरद पवार यांच्या राष्ट्रवादीला एकही जागा जिंकता येणार नाही, असं आकडेवारीतून समोर आलं आहे.