राज्यात आज 29 महानगरपालिकांच्या निवडणुका पार पडत असून, सकाळी साडेसातपासून मतदान प्रक्रियेला सुरुवात झाली होणार आहे. विविध पक्षांसह अपक्ष उमेदवार रिंगणात उतरले असून, एकूण 15,931 उमेदवारांचे राजकीय भवितव्य आज मतपेटीत बंद होणार आहे. शहरांच्या विकासाची दिशा ठरवणाऱ्या या निवडणुकांकडे राज्याचे लक्ष लागले आहे. मतदारांनी मोठ्या प्रमाणात मतदान करावे, असे आवाहन निवडणूक आयोगाकडून करण्यात आले आहे... दरम्यान 16 जानेवारीला लागणाऱ्या निकालाबद्दल मोठी उत्सुकता निर्माण झालीय. अनेक दिग्गज कलाकार आणि खेळाडू देखील या लोकशाहीच्या उत्सवात सहभागी झाले आहे. मास्टर ब्लास्टर भारतरत्न सचिन तेंडुलकरने देखील मतदानाचा हक्क बजावला असून नागरिकांनी देखील आपले विचार मतपेटीत मांडावे असे आवाहन त्याने केले आहे.