आज वसंत पंचमीच्या निमित्ताने विठ्ठल रुक्मिणीचा शाही विवाह सोहळा पंढरपूर मध्ये संपन्न झाला आहे. आज पासून देवांची रंगपंचमी सुरू झाली आहे ती रंगपंचमी पर्यंत सुरू राहणार आहे. आज विठुरायाला पांढराशुभ्र पोशाख परिधान करण्यात आला होता. डोक्यावरती पगडी त्यावरती मोरपंख अशा पद्धतीचा पोशाख परिधान करण्यात आला होता. आज विठ्ठल मंदिर समितीचे अध्यक्ष गहिनीनाथ महाराज औसेकर यांच्या उपस्थितीमध्ये देवाच्या अंगावरती गुलाल टाकून वसंत पंचमी साजरी करण्यात आली आहे.

विठ्ठल रुक्मिणीचा शाही विवाह सोहळ्यासाठी भाविकांनी प्रचंड गर्दी केलेली दिसून आली. मंदिर सजावटीसाठी पाच टन देशभरातून आणलेल्या रंगीबेरंगी फुलांचा वापर करून विठ्ठल मंदिराला सजावट करण्यात आली आहे. तर विधी साठी उभारला खास मयूर विधि मंडप भाविकांचे लक्ष वेधून घेतले आहे. हजारो भाविक सकाळ पासूनच मंदिरात दाखल झाले होते . २५ प्रकारची 5 टन फुले वापरून ही शाही सजावट केली आहे.