दोन्ही राष्ट्रवादी काँग्रेस पक्षाच्या विलिनीकरणाची घोषणा १२ फेब्रुवारी रोजी होणार होती. यासंदर्भात अजित पवार मोठा निर्णय घेणार होता. पण त्याआधीच २८ जानेवारीला अजित पवार यांचा विमान अपघातामध्ये मृत्यू झाला. अजित पवार यांच्या मृत्यूनंतर राजकीय घडामोडींना वेग आला. सुनेत्रा पवार यांनी राज्याच्या उपमुख्यमंत्रिपदाची शपथ घेतली. तसंच पुणे आणि बीडचे पालकमंत्री पद त्यांच्याकडे देण्यात आले. आता सुनेत्रा पवार यांच राष्ट्रवादी काँग्रेसच्या राष्ट्रीय अध्यक्ष होणार असल्याच्या चर्चा सुरू आहेत. अशातच आता दोन्ही राष्ट्रवादी एकत्र येण्याबाबत पुन्हा चर्चांना जोर धरला आहे. याबाबत राष्ट्रवादी काँग्रेसचे आमदार रोहित पवार यांनी मोठं विधान केले आहे. लवकरच विलिनीकरणाचा निर्णय घेणार असल्याचे रोहित पवार यांनी सांगितले. 'दोन्ही राष्ट्रवादी काँग्रेसच्या विलिनीकरणाबाबत पत्रकार परिषद घेऊ. '१२ तारखेला विलिनीकरणाची घोषणा होणार होती. मी आज पत्रकार परिषद घेणार होतो. आता १६ किंवा १७ फेब्रुवारीला मुंबईत पत्रकार परिषद घेतली जाईल.', असे रोहित पवार यांनी सांगितले.