आगामी विधानसभा निवडणुकीसाठी अजित पवार यांची राष्ट्रवादी 288 जागांचा सर्व्हे करणार असल्याची माहिती समोर येत आहे. 2019 च्या निवडणुकीत राष्ट्रवादीला 54 जागा मिळाल्या होत्या. त्या जागांवर राष्ट्रवादीचा दावा हा कायम आहे. अनौपचारीक गप्पांमध्ये प्रफुल्ल पटेल यांनी यासंदर्भातली माहिती दिली असून माझी माणसं सोडून गेली तरी मी दुसरी माणसं तयार करेन असं वक्तव्य अनौपचारीक चर्चेमध्ये अजित पवार यांनी म्हटलं आहे. विधानसभा निवडणूक आता तोंडावर आली आहे. सर्वच पक्षांकडून निवडणुकीची तयारी सुरु झाली आहे. यादरम्यान अजित पवारांची राष्ट्रवादी देखील 288 जागांचा सर्व्हे करणार असल्याची माहिती समोर येत आहे.