काही तरुणांनी जीव धोक्यात घालून स्टंटबाजी करत धावत्या कारच्या छतावर फटाके फोडले आहेत. सार्वजनिक रस्त्यावर अशा प्रकारे फटाके फोडणे हे केवळ बेकायदेशीरच नाही, तर गंभीर अपघाताला आमंत्रण देणारे कृत्य आहे. या हुल्लडबाज तरुणांनी सुरक्षिततेकडे पूर्णपणे दुर्लक्ष करून वाहन चालवताना इतरांच्या जीवितालाही धोका निर्माण केला. संबंधित व्हिडिओच्या आधारे पोलिसांनी या तरुणांचा शोध सुरू केला असून त्यांच्या विरोधात कठोर कारवाई करण्याची प्रक्रिया सुरु आहे. नागरिकांनी अशा धोकादायक कृतींना प्रोत्साहन न देता तात्काळ पोलिसांना कळवावे, असे आवाहन करण्यात आले आहे.. तर उत्तर प्रदेशची राजधानी लखनऊमध्ये हा व्हिडिओ असल्याचं बोललं जातंय.